Esta mañana presentóse na Xunta Xeneral l'antoloxía de microrrelatos Sentir que toi viva. Los testos tienen en común que presenten una visión de la muyer y del so universu. Dellos foron lleíos por diputaos de la Xunta.
Esti ye'l mio:
Autoría
Satisfecha y señaldiosa abandonó la pluma. Nin siquiera la escasez de tinta diba poder postergar el momentu. Como quien ve per última vez a un fiyu, recorrió colos deos les ringleres, los párrafos, los capítulos que pariera en nueches furtives, n’alcobes iluminaes por veles perfumaes, en díes absortos en sol. Preparó la seda con que lu diba protexer y la caxa de madera onde lu diba depositar. ¿Cuánto había d’ella ellí? Tenía la sensación d’una dulce amputación, d’un voluntariu desgarru. Yá nunca más-y diba pertenecer aquello, pero yá taba acabao, yá taba cuasi acabao. Agora namás-y faltaba buscar un nome d’home col que poder firmar.
Satisfecha y señaldiosa abandonó la pluma. Nin siquiera la escasez de tinta diba poder postergar el momentu. Como quien ve per última vez a un fiyu, recorrió colos deos les ringleres, los párrafos, los capítulos que pariera en nueches furtives, n’alcobes iluminaes por veles perfumaes, en díes absortos en sol. Preparó la seda con que lu diba protexer y la caxa de madera onde lu diba depositar. ¿Cuánto había d’ella ellí? Tenía la sensación d’una dulce amputación, d’un voluntariu desgarru. Yá nunca más-y diba pertenecer aquello, pero yá taba acabao, yá taba cuasi acabao. Agora namás-y faltaba buscar un nome d’home col que poder firmar.
No hay comentarios:
Publicar un comentario