![](https://blogger.googleusercontent.com/img/b/R29vZ2xl/AVvXsEgC65g3XQWu9c7Xm4MgchgJDFYKc7lKHKNhapH4Q2tbRmOVNZ1qpXQml3-Y_yzcQc8vvqHjb8vqgeqhubLakH7jNBCgcm4gXDP70VDYUx8jeB6t0q-zI0JBRtEts_JFrVtZHqKCAPFZlL4l/s320/rick.jpg)
Da vértigu pensalo, pero va yá más de trece años que conozo a Ricardo Saavedra. Ye imposible resumir tantos años, tantes coses nunes ringleres, pero pueo dicir que bona parte de lo que soi en mundu ye gracies a lo qu'aprendí d'él. Agora, dando otru xiru a la so poliédrica peripecia vital, presenta un proyectu musical nuevu meses depués de qu'acabara la carrera de los míticos y añoraos Babylon Chàt. Trátase de Bacotexo, un grupu de rock en fala eonaviega. Pa ello, axuntóse a otros dos músicos enormes: Marcos Nogueiro y Daniel García. Desprexuiciaos, lluminosos, eclécticos, recuerren el panorama de la música contemporáneo de la última metá de sieglu atropando influencies y sonoridaes dientro d'un llinguaxe rockandrolleru. La fechura ye impecable y los testos impresionantes.
Ricardo, una vez más, esparramando intelixencia y sensibilidá.
Info, nel so espaciu
![](https://blogger.googleusercontent.com/img/b/R29vZ2xl/AVvXsEj8PDT3ccw2N9-VDzY5Un0yLlM-sgs2zg8goVkUKoAQK5r4KueAL5AmBmScJHpWRcHhK1E2Uuu5UieyOq5Br2CaSAVQkX_rVAHQQpLM1BJkO3YRSaKO1ralsN7FU7btOgF_jTTfusFLFbWk/s320/portada+bacotexo.jpg)
No hay comentarios:
Publicar un comentario