Mañana martes a les 12:45, delantre del edificiu del Rectoráu, concentración d'apoyu a los encerraos na Universidá.
lunes, 30 de junio de 2008
miércoles, 25 de junio de 2008
Ascu na Facultá
Soi funcionariu gracies a la oposición que gané como profesor de Lengua CASTELLANA y Literatura. Digo esto de mano pa que naide piense que toi defendiendo'l mio pan nesta entrada, na que namás quiero sacar de dientro la sustancia verdoso que me provocaron les voltures d'esta mañana al enterame de que la Xunta de la Facultá de Filoloxía aprobó (por cuatro votos de diferencia) suprimir l'aprendimientu del asturianu de los planes nuevos.
La situación del asturianu na facultá yera absolutamente precaria, pero agora yá nun dexen nin les migayes de les migayes. Pasé ocho años nesa santa casa: cinco de carrera, dos de doctoráu y ún na especialidá d'asturianu. Ocho años arrodiáu d'incompetentes, inorantes, oportunistes, raposos y... quiero más nun siguir. Namás quiero echar esta sustancia verdoso nes sos puertes. Ascu, ascu, daisme tantu ascu...
jueves, 19 de junio de 2008
Yellow Magic Orchestra + Christian Fennesz
Namás dan dos conciertos n'Europa y esta nueche van tar en Xixón (21:00. Llaboral). Va ser, como diz polygon, l'únicu conciertu na Europa continental. Y como diz la etiqueta d'esta entrada, HAI QUE DIR
lunes, 16 de junio de 2008
miércoles, 11 de junio de 2008
Indios de la mesma tierra
La UE quier aumentar a 60 hores el límite de la selmana llaboral.
Un fantasma neocon recorre Europa.
martes, 10 de junio de 2008
El viaxe d'Esther Fonseca
Esti vienres a les ocho, nel Filarmónica, va merecer la pena contemplar el viaxe d'Esther Fonseca.
Más info:
La cantante Esther Fonseca apaez nel añu 2002 nel panorama musical asturianu con un discu, Agua, que supunxo una propuesta orixinal y nueva na nuestra tierra: l'averamientu al mundu de la balada céltica y les nueves músiques. Nun yera ésta la primer esperiencia musical nin discográfica d'esta cantante moza. Lloñe quedaben los sos años de neña como integrante de los conocíos grupos de música pa neños "Seliquín" y "Xentiquina", asina como la so participación como voz solista nel discu Xaranzaina, grabáu n'andecha con un garapiellu de músicos mozos del Conservatoriu del Nalón.
El nuevu trabayu d´Esther Fonseca, Viaxe , qu´acaba de ver la lluz, algama un saltu cualitativu mui importante na so carrera musical, y ye un nuevu camín qu'axuntar a los yá abiertos n'Asturies, nel tarrén de les nueves propuestes musicales en llingua asturiana.
El conciertu que s'ufierta ye precisamente un viaxe d'una hora llarga de duración, que percuerre los catorce temes d'esti últimu trabayu , xunto con dalgún tema d'otros trabayos anteriores de la cantante.
Los músicos qu'acompañen a Esther Fonseca nesti conciertu son:
Peter Bulla violín
Javi Monge guitarres
Yago Prado harpa céltica y guitarra acústica
Manu Fonseca flautes
Juanjo González percusiones
Emilio Huerta teclaos
lunes, 9 de junio de 2008
jueves, 5 de junio de 2008
Más Pieces 2.0
Al final, hubo un reaxuste nel primer programa de Pieces 2.0 y la mio entrevista apaez el día 14. Eso sí, otra vez mui bien acompañáu: Scott Walker y Manta Ray.
Pieces 2.0
Esti sábadu estrénase na TPA la segunda temporada de Pieces, con formatu y conteníos nuevos. Nesta primer entrega Ana Vanessa Gutiérrez faime una entrevista centrada esclusivamente en La culpa y la lluz. Pero lo meyor ye que depués d'esto van echar un reportaxe sobre Joy Division; y eso... sí merez la pena.
Podéis velo pela tele o na web de la TPA.
miércoles, 4 de junio de 2008
Shellac!!
Ayeri, grandes Mission of Burma; grandííííísimos Shellac
Y la imaxe de la nueche, Steve Albini, enfundáu nun mono negru, vendiendo camisetes a pie d'escenariu post-conciertu. Como diría l'otru, eso ye actitú...
martes, 3 de junio de 2008
Da la cara
Si queréis ver semeyes de xente que yá participó en Doi la cara pola oficialidá, podéis entrar equí.
domingo, 1 de junio de 2008
Suscribirse a:
Entradas (Atom)